Кличко: Голема победа за опозицијата

Лидерот на опозициската партија УДАР, Виталиј Кличко оценил дека оставката на украинскиот премиер Микола Азаров е само „чекор до победа“.

„Веќе неколку месеци говориме дека она што се случува на улицата исто така е резултат на политиката на актуелната влада. Ова не е победа, но е чекор до победа“, вели Кличко, јавува АФП.

Претседателот на Украина, Виктор Јануковиќ на лидерот на најголемата опозициска партија, Арсениј Јацењуј му го понуди местото премиер, а на Кличко местото вицепремиер за хуманитарни прашања, што двајца одбија.

Американскиот потпретседател Џо Бајден вчера го повика претседателот Јануковиќ и го предупреди дека „воведување на вонредна состојба или донесување други остри безбедносни мерки дополнително ќе ја распламти ситуацијата и ќе ја затвори вратата за мирно решение.“

Доколку преземете содржина од оваа страница, во целост сте се согласиле со нејзините Услови за користење.