Спорт

„Голден стејт“ подобар и во вториот меч од „Њу Орлеанс“ „Кливленд“ по продолженија направи брејк во Торонто

„Кливленд“ по продолженија направи брејк во Торонто

Кошаркарите на „Кливленд“ направија брејк против „Торонто“ во првиот меч од полуфиналето во Источната конференција од НБА лигата, а актуелниот шампион ја зголеми предноста во западното полуфинале против „Њу Орлеанс“ на 2:0.
Вчерашните мечеви беа исклучително интересни, а на мечот во Торонто беше избегната тепачка меѓу познатиот рапер Дрејк и помошниот тренер на „Кливленд“, Кендрик Перкинс.

„Кавалирси“ предводени од Леброн Џејмс дојдоа до триумф по продолжение со 112:113. „Торонто“ испушти победа во регуларниот дел од мечот. Имаше константно водство, предност на моменти и од +14 во третата четвртина, но попушти во самиот финиш. Домаќинот имаше и + 5 на почетокот на последниот период, што е ситуција во која сезонава „Торонто“ имаше 30 победи и само еден пораз. Прво Леброн погоди за израмнување 105:105 на 30 секунди пред крајот, а потоа „Репторси“ му дозволија и шут за победа, но „Кралот“ промаши. Во продолжението „Кливленд“ дојде до прво водство во 50 минута и го задржа до крајот.
Џејмс имаше трипл-дабл од 26 поени, 13 асистенции и 11 скока, Џеј Ар Смит дополни со 20 поени, а Кајл Корвер постигна 19 поени. Кај „Торонто“ одлични беа Демар ДеРозан со 22 поени и Валанчиунас со 21 поен и 21 скок.

Капитенот на „Голден стејт“, Стеф Кари се врати на паркетот прв пат по 23 март и повредата на коленото, па постигна 28 поени за 27 минути, откако влезе во игра од клупата. Во победата од 121:116 Кари додаде и 7 скока и две асистенции, а поефикасен од него беше само Кевин Дурант со 29 поени. Дрејмонд Грин после трипл-дабл ефектот во првиот натпревар, вчера имаше 20 поени, 12 асистенции и 9 скока.
На спротивната страна, Ентони Дејвис запиша 25 поени и 15 скока, а Холидеј постигна 24 поени со осум асистенции и осум скока. Раџон Рондо беше одличен со 22 поени, 12 асистенции и 7 скока.