Кои се десетте најмоќни деловни жени во светот?

Најмоќната деловна жена во светот е Мери Бара, директорка на „Џенерал моторс“, објави магазинот „Форчн“.

Педесет и двегодишната Бара, која целата своја кариера ја поминува во „Џенерал моторс“, е надредена на 212.000 работници на шест континенти и е прва на листата 50 најмоќни деловни жени, според магазинот.

На листата има најмногу, дури 27, жени од САД, а потоа следат оние од Сингапур, Бразил, Велика Британија, Саудиска Арабија…

Најмоќната жена која доаѓа надвор од САД е Бразилката Мариа дас Грацас Силвиа Фостер. „Првата“ директорка на енергетската мултинационална компаниј „Петробас“ со седиште во Бразил се наоѓа на четвртото место на листата на највлијателни деловни жени.

Интересно е дека највисоко рангирана претставничка од Европа, Британката Алисон Купер, се наоѓа дури на 15-тото место. Четириесет и седумгодишната Купер е колешка по функција на претходно наведените деловни жени во мултинационалната тутунска компанија „Империјал тобако“.

Најмлада меѓу најмоќните дами од светот на бизнисот е Мариса Маер. Оваа 37-годишна претседател, е и генерална директорка на „Јаху“ и се наоѓа на 14-тата позиција.

Посебно интересна е личноста која што се наоѓа на 43-тото место, а нејзиното име е Лубна Олајан. Таа е директорка на компанијата „Олајлан Фајненсинг“ од Саудиска Арабија и е вистинска „шампионка на родовата рамноправност на средниот Исток“.

Подолу е листата на десетте најмоќни деловни жени во светот:

Мариа Бара- генерална директорка на „Џенерал моторс“

Џини Ромети- „ИБМ“

Индра Нуи- „Пепси“

Мариа дас Грацас Силва Фостер- „Петробас“

Елен Кулман- „Ду Понт“

Ирен Росенфелд- „Монделез интернешнл“

Мерилин Хјусон- „Локхид Мартин“

Мег Витман- „ХП“

Патрисија Вортц- „Арчерс Даниелс Мидленд“

Геил Кели- „Вестпач“

 

Доколку преземете содржина од оваа страница, во целост сте се согласиле со нејзините Услови за користење.