Македонија,Економија

Паѓа просечната цена на еден метар квадратен на становите

Паѓа просечната цена на еден метар квадратен на становите

Просечната цена на еден метар квадратен станбена површина во текот на изминатата година е околу 46 илјади денари или над 761 евра, покажуваат податоците на Државниот завод за статистика.

Оваа цена е намалување за 6,2 отсто во однос на 2012-та година.

Во Скопје, просечната цена на еден метар квадратен изнесува 54.857 денари што е за 6,5 отсто помалку во споредба со 2012 година,  додека во останатите населени места во државата таа изнесува 39.264 денари што е за 9,4 отсто помалку во споредба со 2012-та година.

Што се однесува до просечната цена на еден метар квадратен во второто полугодие од 2013, таа е намалена за 12,5 отсто во однос на првото полугодие, а во Скопје намалувањето е за 8,1 отсто.