Колони и неколку часа чекање на преминот „Богородица“

На граничниот премин „Богородица“ од саботата изутрина за влез во Грција се чека и по неколку часа, а се формирани и колони возила, главно со македонски и српски регистарски ознаки.

Колоните на македонска страна почнуваат уште пред казиното „Принцес“, а со возила во шест колони е исполнет и меѓуграничниот ростор.

Според процената на македонските погранични служби, за влез во Грција чекаат меѓу 10 и 15 илјади луѓе.

И македнската и грчката погранична служба работат нормално и со полн капацитет, но велат дека е преголем приливот на луѓе и возила поради продолжениот викенд и годишните одмори. Очекуваат состојбата да се нормализира во текот на поладневните часови.

АМСМ соопшти дека е зголем интензитетот на сообраќај на патните правци и препорачува внимателно возење.

Доколку преземете содржина од оваа страница, во целост сте се согласиле со нејзините Услови за користење.