Во катедралата во германскиот град Келн денеска ќе се одржи комеморација за жртвите од несреќата на авионот на „Џерманвингс“, на која ќе присуствуваат околу 1.500 луѓе, меѓу кои и канцеларката Ангела Меркел.
Се очекува дека покрај семството на настраданите на службата во катедралата ќе присуствуваат министрите за сообраќај на Франција, каде се сруши авионот и на Шпанија, од каде полета, како и извршниот директор на Луфтханза, Карстен Шпор, пренесува Би-Би-Си.
На олтарот во келнската катедрала е поставена по една свеќа за секоја од жртвите, а знамињаа низ цела Германија денес ќе бидат поставени на половина копје.
Пред катедралата се поставени големи екрани за граѓаните да може да ја следат целемонијата, а на скалите пред катедралата ќе биде положено цвеќе.
На церемонијата која почнува напладне, ќе присуствува и претседателот на Германија, Јоаким Гаук и министерот за внатрешни работи на Шпанија, Хорхе Фернандес Дијас.