Македонија

Косово од Македонија ќе учи како да привлекува странски инвестиции

Косово од Македонија ќе учи како да привлекува странски инвестиции

Косово треба да учи од Македонија како се привлекуваат странски инвеститори и како да го зголеми извозот, порачува Стопанската комора на Косово. Ова го наведувааат, како што се вели во денешното соопштение, бидејќи извозот на Македонија е многу поголем од извозот на Албанија и на Косово заедно.

– Во Косово се зборува само за полиитка, а ниту збор не се кажува за актуелната економија. Додека се губи време во барање на причините за неуспехот, другите изнаоѓаат патишта за да ги постигнат целите за економски развој. Треба да учиме од другите и нивните искуства во тој правец, а успехот на Македонија во тој правец треба добро да се анализира од сите нас, нагласува Комората.

Воедно посочува дека Македонија од јануари до мај годинава бележи извоз вреден 1,45 милијарди евра, додека Албанија реализирала извоз вреден само 770,1 милион евра, а Косово 113,8 милиони евра.

Комората ја критикува косовската влада поради фактот што германски „Дрексл маер“ не бил прифатен да инвестира во Косово па си заминал за Македонија, што е успех на македонската влада.

– Само од индустриската зона источно од Скопје, во првите пет месеци извозот надминува 500 милиони евра, што е двапати повеќе од извозот во истиот период 2013 година. Во оваа зона од 2009 година произведува и германскиот производител на електронски апарти за возила „Дрексл маер“, кој во 2008 година правеше напори да почне со работа во зоната Приштина–Косово Поле, каде предвидуваше да вработи веднаш 100, а потоа уште 500 роботнци, но по тримесечни напори, германскиот производител се откажа и си замина во Македонија, наведува Комората.

Во јуни годинава германскиот производител соошти дека отвора втра производна линија и зголемување на бројот на вработени од 4.300 на 4.900.

– Оваа германска компанија има две линии и во Сбија, како и во Македонија каде најде заеднички јазик и интерес за производство, укажува Комората на Косово.