Косовската Влада денеска упати до парламентот два амандмани кои треба да овозможат основање Специјален суд за злосторствата на поранешната ОВК, пренесува Танјуг.
Косовскиот премиер Иса Мустафа оцени дека на косовската Влада не и е лесно да носи такви одлуки и ги повика пратениците да гласаат за амандманите, со цел да се исполни таа меѓународна обврска.
– ОВК водеше чиста борба и го штитеше прагот на својата куќа, а Специјалниот суд ќе се занимава со истраги против поединци, а не против ОВК, оцени Мустафа.
Опозицијата во косовскиот парламент се спротистави на формирањето Специјален суд и најави дека нема да гласа за негово основање.