Косовски пасош земале околу 9.500 Срби

Косовската полициската статистика потврдува дека од втората половина на 2011 година, кога почна издавањето на биометриските пасоши на Република Косово, до првата недела од месец септември годинава, косовски пасош добиле околу 9.500 Срби.

Според порталот „Трибуна“ само годинава издадени се околу 900 пасоши за припадниците на српското малцинство.

Експертот по безбедност Наим Малоку изјавил дека бројките се потврда дека и Србите се интегрираат во косовската држава.

Од друга страна, само од крајот на 2009 година, кога Србија доби визна либерализација, досредината на декември 2012 , повеќе од 30 илјади граѓани на Косово земале пасош на Република Србија, речиси сите од албанска националност.

Тој број сега е за најмалку десет илјади поголем.

Доколку преземете содржина од оваа страница, во целост сте се согласиле со нејзините Услови за користење.