Балкан

Косовскиот поглавар на ИВЗ под истрага

Косовскиот поглавар на ИВЗ под истрага

Kосовската полиција почна истрага против поглаварот на Исламската верска заедница на Kосово, Наим Трнава, поради финансирање од сомнителни извори и именување на сомнителни личности за имами. Под полициска истрага се и неколку имами од џамиите од Призрен, Kачаник, Генерал Јанковиќ и Драгаш. Исламската заедница во Kосово не ги коментираше истрагите. Неодамна косовските медиуми пренесоа дека за неколку имами се преземени рестрикции и од страна на САД, која нема да им издава визи.

Исламската верска заедница во Kосово во последните неколку дена е на удар на полицијата и поради поврзаноста на тамошните имами со регрутирањето на Kосовци во војните во Сирија и Ирак. Во Kосово завчера беше уапсен еден од главните иницијатори на џихадот во земјата, имамот од џамијата во Гнилане, Зекрија Ќазими.