Неспособната Влада на СДСМ и неспособниот министер за здравство Арбен Таравари влегуваат од скандал во сканда, создаваат голем хаос во македонското здравство со назначувањето за директори на лица склони кон поткуп што е директно на штета на интересите на пациентите, обвини во понеделникот Дарко Костовки од ВМРО-ДПМНЕ.
„Неспособниот СДСМ не запира со масакрот врз здравството. По назначувањето на докажаните митаџии за директори на скопските клиники, како Јане Нетковски за кого имаше кривична пријава за мито за директор на Клиниката за уво, нос и грло, и Дејан Докиќ кој има судска пресуда за мито за директор во Клиниката за пулмологија, СДС го постави и осудениот криминелец Иван Барбов за директор на Клиниката за неврологија“, рече Костовски.
Потсети дека лекарот Барбов беше дел од осудените во судскиот случај „Метастаза“, обвинети за посредувње во издавањето инвалидски пензии. Според инфорамациите кои тогаш ги објавија медиумите Барбов и останатите наплаќале од 1.500 до 4.000 евра за барател, со цел нелегално издавање инвалидски пензии. Групата на Барбов за двете години додека дејствувале според податоците кои во јавноста излегоа преку медиумите, заработиле 165.000 евра и го оштетиле Фондот за здравство за 53.000 евра.
„Барбов од страна на судот е осуден за виновен, со што му е изречена сказна, условна осуда во времетраење од две години, значи констатирана е вина и одговорност кај овој човек кој сега Заев ни го нуди за директор на клиника“, рече Косовски оценувајќи дека со ваквите потези власта ја „навредува“ интелигенцијата на граѓаните.
„Со назначувањето на докажани митаџии и криминалци за директори на клиники и медицински установи им се праќа јасен сигнал на граѓаните, дека ако сакаат одредена здравствена услуга за тоа ќе треба да платат мито кај митаџиите на СДС. Дали е ова начинот на кој СДС сака да функционира здравството во Република Македонија? Дали е ова животот кој Заев го ветуваше?“, запраша Костовски.
Според него ваквите кадровски решенија на владата предводена од СДСМ воопшто не се професионални, туку единствено се партиски.
„Таравари очигледно е решен за директори на клиниките да поставува лица кои ја поминала познатата школа на Заев ‘евро за црквата, евро за Вицето’. Граѓаните се во шок и неверување од начинот на кој СДС го третира македонското здравство. СДС ја понижи медицинската професија во Македонија, СДС ги деградира сите лекари кои чесно и одговорно си ја вршат својата работа и должност со назначување на докажани митаџии за нивни директори. Заради ваквата неодговорност и неспособност СДС ќе се соочи со политичка одговорност на следните локални избори и ќе биде целосно делегитимиран од страна на граѓаните“, порача Костовски.
