Спорт

“Кралевите” против Севиља добија три бода – ги загубија Хамес и Рамос

“Кралевите” против Севиља добија три бода – ги загубија Хамес и Рамос

Реал Мадрид и Севиља го одиграа својот заостанат натпревар од 16-то коло на Примера, а домашните славеа со 2:1.

Хамес Родригез во 12-та и Хесе во 36-та минута беа стрелци на погодоците со кои “кралскиот клуб” забележа нова победа, додека единствениот гол за гостите беше дело на Аспас во 80-та минута од мечот.

Иако освоиja нови три бода и ја вратиja предноста од +4 пред Барселона, домаќините не се радуваа премногу бидејќи останаа без двајца клучни фудбалери, откако Родригез и Рамос заработија незгодни повреди.

По деталните лекарски прегледи е утврдено дека Хамес Родригез ја скршил петтата метатарзална коска на десното стапало и ќе мора на операција поради која ќе отсуствува околу два месеци, додека пак на Серхио Рамос му било препорачано мирување најмалку во следните 20 дена. Проблемот за Карло Анчелоти е уште поголем ако се знае дека е повреден и Пепе, па тренерот на Реал на располагање има само двајца централни дефанзивци, младите Варан и Начо.

Италијанскиот стручњак за дербито со Атлетико Мадрид нема да може да смета ниту на Бразилецот Марсело, кој ќе го пропушти овој градски дуел поради суспензија.