Како специјални гости од Моден викенд Скопје дизајнерката Росица Мршиќ месецов ќе учествува на српската Модна недела додека моделите на Мила Кадриу ќе се презентираат на модна манифестација во Приштина.
Mcouture by Mila Kadriu која во рамките на пролетниот Моден викенд Скопје направи моден бранч ќе биде дел од Prishtina Fashion Night на 18 април , вечер во која ќе бидат прикажани модели на повеќе дизајнерски имиња и брендови. Од таму најавуват гостување и на директорите на пет модни недели од различни земји. Покрај манекенките од Албанија и Германија ќе бидат ангажирани и манекенките од модната агенција Подиум од Скопје.
На Модната недела во Србија (Srbia Fashion Week) која ќе се одржува од 22 до 26 април во Нови Сад , Росица Мршиќ пред српската публика ќе се претстави на 24 април. Организаторите од Србија за ова издание најавуваат гостување на повеќе светски имиња меѓу кои и познатиот Ејмерик Франсоа кој ќе биде во улога на официјален бекстејџ координатор и предавање на Доналд Потард поранешен генерален директор на модната куќа Jean Paul Gaultier и советник на Paco Rabanne, Kenzo Takada, Chantal Thomass, Vivienne Westwood, Alexander McQueen, Donna Karan и други.
