среда, 7 декември 2016  |  Вести денес: 30

Кривична за двајца стружани за поседување дрога

Е.М. се сомничи и за сторено казнено дело „недозволено изработување, држење, посредување и тргување со оружје и распрскувачки материи“.

diler-n-droga

Последни вести

Поради постоење основи на сомнение за сторено казнено дело „недозволено производство и пуштање во промет на наркотични дроги, психотропни супстанци и прекурсори“, Полициската станица од Струга, поднесе кривична пријава против Л.Г.(22) и Е.М.(23), двајцата од струшкото село Франгово.

СВР Охрид соопшти дека Е.М. се сомничи и за сторено казнено дело „недозволено изработување, држење, посредување и тргување со оружје и распрскувачки материи“.

Портпаролот на СВР Охрид Стефан Димоски појасни дека на 18 овој месец, околу 23 часот, при полициска акција пронајдени биле 11 килограми зеленкаста тревкаста материја спаковани во најлонска вреќа сокриена меѓу грмушки на локалниот пат Франгово-Калишта.

– Акцијата е реализирана на местото „Царски кладенци“ каде пријавениот Л.Г. извесно време ја сокривал најлонската вреќа со тревкаста материја. Тука пристигнал со патнички автомобил „Пежо“ со скопски регистарски ознаки и одкако го паркирал автомобилот, се упатил до местото обраснато со грмушки каде ја сокривал најлонската кеса. Фатен е во момент кога извадил опаковка од еден килограм со тревкаста зелена материја, која ја имал со себе и сакал да ја остави во најлонската вреќа, во која претходно сокрил 10 килограми од истата материја, изјави Димоски.

По добиена наредба, додаде, извршен е претрес во домовите на пријавените, при што кај Е.М. во помошна просторија од куќниот двор, пронајдена била една автоматска пушка од кинеско производство и помала најлонска опаковка со бела прашкаста материја.

Спорд соопштението, на лицата им е одредена мерка притвор во траење до 30 дена.

Најчитани вести