Крими хроника

Кривична за стружанец кој одгледувал марихуана

Кривична за стружанец кој одгледувал марихуана
Кривична за стружанец кој одгледувал марихуана

Полициската станица Струга поднесе кривична пријава против А.Б. (34) поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори“ и „недозволено изработување, држење и тргување со оружје или распрскувачки материјали“.

При претрес во домот на пријавениот, сокриена во тегла, пронајдена била помала количина тревкаста материја спакувана во хартиена опаковка како и еден куршум калибар 7,62 милиметра од непознато потекло. Пронајдените предмети биле одземени и предадени за вештачење во Министерството за внатрешни работи.

Од добиените анализи, утврдено е дека растителниот материјал од теглата со нето маса од 5,27 грама била марихуана, растителниот материјал од хартиеното пакување со нето маса од 0,20 грама била мешавина на тутун и марихуана, додека пронајдениот куршум е од кинеско производство.

А.Б. и предходно и е познат на службата и против него по слични основи биле поднесувани кривични пријави.