Македонија,Крими хроника

Крвави траги во Охрид, неколку повредени

Крвави траги во Охрид, неколку повредени

Во центарот на Охрид, на самиот Кеј на езерото синоќа пред полноќ се случила тепачка.Во инцидентот учествувале две групи млади лица, најверојатно од Скопје, а во меѓусебната пресметка било употребено и ладно оружје – нож, со кое се нанесени и неколку убоди.

На местото на случката на Кејот „Маршал Тито“ се забележливи крвави траги, а непосредно после инцидентот во неколку наврати интервенирала и Службата за итна медицинска помош која ги префрлила повредените во Медицинскиот центар во Охрид.

Од Секторот за внатрешни работи потврден е случајот, во тек се активности за утврдување на околностите и наскоро ќе соопштат повеќе детали за инцидентот.

МИА