петок, 21 јули 2017  |  Вести денес: 3

МВР и УЈП во Контрола: Откриен државјанин на САД без регулиран престој и други прекршоци

Минатата сабота од страна на полициските службеници од СВР Куманово во содејство со инспектори од Државен инспекторат при Управата за јавни приходи, спроведена е акциска контрола во кафе бар, Спортска обложувалница и автомат клуб лоцирани на подрачје на Општина Куманово.

ujp-kontroli

Последни вести

Минатата сабота од страна на полициските службеници од СВР Куманово во содејство со инспектори од Државен инспекторат при Управата за јавни приходи, спроведена е акциска контрола во кафе бар, Спортска обложувалница и автомат клуб лоцирани  на подрачје на Општина Куманово.

Од извршената контрола во кафе барот беше затекнато лице државјанин  на САД кој што нема регулиран престој во Република Македонија. Истиот е приведен во СВР Куманово и за понатамошна постапка предаден на дежурен инспектор по странци, легитимирани се вкупно 11 лица и од страна на инспекциските служби не се констатирани недостатоци, информираат од МВР.

Од извршената контрола во спортската обложувалница на едно лице изрекната му е глоба за прекршок по основ на Закон за лични карти.

Едно лице добило глоба за прекршок по основ на Закон за заштита од пушење а од страна на Државен пазарен инспекторат составен е Записник и издадена е глоба од 2,000 – 4,000 еур на правно лице  по Закон за заштита од пушење.

Од страна на УЈП по извршена контрола составен е Записник и се констатирани прекршоци казниви по член 157 став 1 точка 10 , 13 и 15 од закон за игри на среќа и при тоа е издадена глоба во висина од 15,000 еур (3 х 5,000 еур) како и глоба во висина од 30% на Одговорно лице во правно лице ; констатирано е дека двата компјутери кои што се користат во обложувалницата немаат лиценциран софтвер на „Windows“  при што истите се одзмени и против правното лице и управителот на правното лицеТ.К. (46 години) од Кочани поднесена е кривична пријава за сторено КД „Повреда на право од пријавен или заштитен пронајдок и топографија на интегрални кола“ .

Од извршена контрола во автомат клуб на 4 лица изрекнати им се глоби за прекршок по основ на Закон за лични карти; на 4 лица  изрекнати им се глоби за прекршок по основ на Закон за заштита од пушење а од страна на Државен пазарен инспекторат составен е Записник и издадена е глоба од 2,000 – 4,000 еур на правно лице од Закон за заштита од пушење; од страна УЈП по извршена контрола не се констатирани недостатоци,  а констатирано дека од 3 компјутери кои што се користат во автомат клубот 1 има а за 2 компјутера во моментот неможе да се утврди дали поседуваат лиценциран софтвер на „Windows“ за што со писмено известување ќе биде известено ОЈО Куманово, се вели во соопштението на МВР.

Најчитани вести