„Курир“: Дали Едмонд Адеми е вработен во МВР за да спроведува крваво сценарио?

Дур не се пролее крв по улици, ниту режим паѓа, ниту слобода се стекнува!, напиша Адеми на социјалната мрежа во јануари минатата година, пренесува „Курир“.

edmond-ademi-fb

Порталот нагласува дека прашањето кое се наметнува во јавноста, ако се земе во предвид дека токму Адеми пред година дена повикуваше да се лее крв по улиците е: Дали членот на Извршниот и Централниот одбор на СДСМ Едмонд Адеми е вработен во министерството со кое шефува Оливер Спасовски за да спроведува крваво сценарио?

Техничкиот сдсмовски министер за внатрешни работи Оливер Спасовски проолжува со брутална партизација на полицијата. Порталот Пресс 24 денеска објави нова скандалозна одлука на Спасовски, според која иако без ден искуство во полиција, односно во МВР,  Спасовски како советник го ангажирал членот на Извршниот и Централниот одбор на партијата во која тој е генерален секретар.

Според информациите на порталот, од денеска дел од МВР е Едмонд Адеми, член на СДСМ кој е редовен декор на сите партиски организирани протести и трибини. Токму Едмонд Адеми во статус објавен на Фејсбук пред повеќе од една година повикуваше на пролевање на крв по улиците.

-Дур не се пролее крв по улици, ниту режим паѓа, ниту слобода се стекнува!, напиша Адеми на социјалната мрежа во јануари минатата година.

Токму поради ова, во јавноста се поставува прашањето дали Емонд Адеми е вработен во МВР за да спроведува крваво сценарио, согласно неговите јавно искажани ставови дека без да се пролеела крв по улиците, слободата не се стекнувала. Адеми е само последен од низата сдсмовски кадри со кои Спасовски врши брутална патизација на полицијата.

Доколку преземете содржина од оваа страница, во целост сте се согласиле со нејзините Услови за користење.