„Курир“: СДСМ во ДИК почнала да лицитира со бројки, за да го покрие срамот од очигледната манипулација

Седница на Државната изборна комисија

Откако сите заклучиле дека бројките на СДСМ за наводни фантомски гласачи се нереални и на ниту еден начин не може да се докажат и заосноваат на факти, тие започнале да лицитираат со бројки со цел да биде бројката на гласачи која сакаат да ги проверат поголема и СДСМ да се извлече од кашата во која се најде, пишува „Курир“ повикувајќи се на сопствени информации.

Порталот нагласува дека, од друга страна нечуено и досега невидено е нешто што треба да биде предмет на математичка операција да се лицитира и да биде предмет на политички договор.

Тоа познавачите велат е невиден апсурд, исто како да треба да соберете еден плус еден, и наместо да кажете дека се два, вие да толкувате дека сите треба да замолчат пред вистината и да кажат дека се три. Тоа е невиден преседан, коментираат експертите. На ова му претходеше студен туш за членовите на СДСМ во ДИК откако по превземените проверки се утврдило дека бројката на гласачи е најмалку 4 ипол пати помала од тоа што тврдеа во јавноста. Тоа резултирало и со давање на непристоен предлог кон Албанците во ДИК. Непристојниот предлог на СДСМ бил Албанците да гласаат за предлогот на СДСМ иако тој бил целосно неиздржан, а за возрат членовите на СДСМ во ДИК да поддржат да нема проверки кај гласачите Албанци каде не се поклопуваат податоците, што во основа е дискриминаторски и незаконски предлог, пишува „Курир“.

За упатените ова е јасен доказ за подлоста и некоректноста на игрите на СДСМ.

Доколку преземете содржина од оваа страница, во целост сте се согласиле со нејзините Услови за користење.