Спорт

Лацио на гости кај Наполи го завери пласманот во ЛШ

Лацио на гости кај Наполи го завери пласманот во ЛШ

Екипата на Лацио го совлада Наполи на гостински терен со 4:2 и воедно го потврди третото место кое води во квалификациите за пласман во Лигата на шампионите.

Ова воедно беше последен меч за Рафа Бенитез на клупата на тимот од Неапол, а според сите светски медиуми, Шпанецот наскоро ќе биде промовиран во нов тренер на Реал Мадрид.

Лацио на полувремето имаше големо водство од 2:0 со головите на Пароло и Кандрева, но во продолженето Наполи беше блиску до шокантен пресврт.

Тимот на Бенитез тргна одлично во второто полувреме, а Гонзало Игуаин со головите во 55-та и 64-та минута донесе израмнување. Аргентинецот на крајот, сепак беше трагичар, бидејќи во 76-тата минута очајно изведе пенал, шутираше преку голот, а тоа промашување гостите од Рим го казнија.

Во самиот финиш на мечот Онази и Клосе постигнаа голови за Лацио за конечни 4:2, а двете екипи натпреварот го завршија со играч помалку по исклучувањата на Пароло и Гулам.

Серија А, 38.коло

Каљари – Удинезе 4:3

Торино – Чезена 5:0

Фиорентина – Киево 3:0

Интер – Емполи 4:3

Сасуоло – Џенова 3:1

Наполи – Лацио 2:4

Рома – Палермо 1:2

Сампдорија – Парма 2:2

Сабота:

Верона – Јувентус 2:2

Аталанта – Милан 1:3

Табела: Јувентус 87, Рома 70, Лацио 69, Фиорентина 64, Наполи 63…