Спорт

ЕП во ракомет 2018-та Лазаров оспособен, но нема да настапи со Чешка по секоја цена

Лазаров оспособен, но нема да настапи со Чешка по секоја цена

Ракометарите на Македонија очекуваат да заврши средбата меѓу Словенија и Шпанија за да истрчаат на теренот и да влезат во битка за бодови со кои ќе се доближат до полуфиналето на Европското првенство во Хрватска.

Додека чекаат да дојде терминот за загревање, порталот 24ракомет пренесе одлична вест за сите навивачи.

„Кире Лазаров е подготвен за настап, но ќе игра само доколку биде потребно да настапи. Докторите успеаја да го оспособат, но нема да се ризикува со неговото играње по секоја цена, па затоа денеска ќе треба да помогнат и другите играчи за да му овозможат да одмори и да биде уште подобро подготвен за утрешниот меч против селекцијата на Данска“, објави порталот.

Инаку, Лазаров допатува директно од Загреб каде што денеска му беа направени нови дополнителни прегледи.

Информациите се позитивни, па се очекува само да дојде почетокот на средбата и да може да тргнат работите кон правецот кој сите го посакуваме.