Крими хроника

Лажни инкасанти украле 3.000 евра од куќа во Струмица

Лажни инкасанти украле 3.000 евра од куќа во Струмица

Две големи кражби на  најмалку 25.000 евра, вчера се случиле во Ресен и струмичкото село Свидовица.

Според полицијата првата кражба е извршена во куќата на Н.У. од Ресен, од каде што се украдени 14.000 евра. 5.500 американски долари, 200.000 денари и разновиден златен накит.

Истиот ден во струмичкото село Свидовица, од куќата на К.Г. се украдени 3.000 евра и 10.000 денари. Тешката кражба е извршена на тој начин што разбојниците дошле до куќата и побарале од мајката на К.Г. да им даде клуч од влезната врата на првиот кат од куќата, под изговор дека се од Скопје и треба да го прочитаат електричното броило во ходникот. Откако добиле клуч, влегле во куќата, го отвориле прозорот и веднаш го вратиле клучот. Потоа преку отворениот прозор, влегле во куќата, извршиле пребарување, ги одзеле парите и избегале.