Македонија

Лекарка од Клиниката за детски болести со најмногу прегледи лани

Лекарка од Клиниката за детски болести со најмногу прегледи лани

Податоците во националниот систем за закажување прегледи МојТермин покажуваат дека најмногу реализирани прегледи во период од една година има д-р Маја Ивановска, педијатар од Универзитетската клиника за детски болести во Скопје.

Д-р Ивановска, во периодот од 1.10.2013 до 30.09.2014 година има реализирано 7,352 прегледи. Во истот тој период, докторката имала 299 работни денови (со вклучени дежурства и повици). Според реализираните прегледи, податоците покажуваат дека докторката просечно прегледувала по 24 пациенти на ден.

Втора на листата е д-р Андријана Јаневска-Трпковска, интернист од ПЗУ Интермед–Плус, која во истиот овој период прегледала 5,532 пациенти. Докторката имала 237 работни денови и просечно прегледувала по 24 пациенти на ден.

Само во текот на месец септември, оваа година, најмногу реализирани прегледи има д-р Славица Вељановска, специјалист по радиотерапија при Универзитетската клиника за радиотерапија и онкологија. Докторката реализирала 570 прегледи за месец септември.