Спорт

Ли На доби 132.270 долари, па се намурти

Ли На доби 132.270 долари, па се намурти

Кинеската тенисерка Ли На не беше воодушевена од наградата од првите луѓе во нејзиното родно место Хубеј. Тие за титулата освоена на првиот годинешен грен слем турнир Австралија опен и доделија парична награда од 800.000 јени (132.270 долари).

Токму ваквиот потег на гувернерот на покраината Ванг Гушенг, наиде на критики во јавноста, а на социјалните мрежи се појавија многу негативни коментари.

Корисниците на социјалните мрежи запрашаа зашто како награда и се дадени парите собрани од даноци, но и тоа дека на тенисерката воопшто не и се потребни, бидејќи станува збор за професионален спортист. Тие додадоа и дека од нејзиниот израз на лицето се гледа дека не и е мило што гувернерот решил да ја награди заради успехот на турнирот во Мелбурн.

„ Лицето говори многу. Тоа се парите на народот. Ли е професионална спортистка на која не и требаат тие пари”, напиша еден корисник на социјалните мрежи.

Ли за триумфот на Австралија опен инкасира 2.383.000 американски долари.