Во топлата вода ставете го квасеот на парчиња, 1 лажиче сол, шеќер. Оставете да стаса. Во поголем сад за месење ставете половина од брашното околу 600 гр. и ставете ги сите течни сосотојки и 1 тоa лажиче сол и јајце. Полека додавајте од брашното и месете додека се измеси мазно еластично меко и нелепливо тесто.
Тестото поделете го на 3 големи топки. Секоја топка разделете ја на 5 дела, треба да се добијат 15 мали топчиња. Ставајте ги на намрсена површина. Земете едно топче и размесете го во вид на круг. Исечете го во големина на една тацна (некаде околу18 см. дијаметар), стaвете ја на намрсена тацнa, премачкајте ја со 1/12 од маргаринот исечен на коцки.
Над неа ставајте ги и останатите исечени кор, последната не ја премачкувајте. За една тацна 4 коцки маргарин. Тацната ставете ја во фрижидер. Подгответе ги и другите кори така.
Откако се направени сите се зема првата тацна, малку се расплескува со раце и се развлекува во вид на круг колку што е голем плехот ( 30 см.) Кората се реди на намрсениот плех. Се става 1/2 од филот. Се ваѓа втората тацна се развлекува кора се става преостанатиот фил, па третата. Се сечи на коцки. Сега се остава да кисне на топло место покриена со крпа околу 1час. Кога е скисанта се уклучува рерната да се загрее на 200 степени.
Се премачкува питата со разматено јајце (треба само 1/2 од разматеното јајце). Се поросува со сусам и се става да се пече во загреаната рерна на 200 степени првите 20 мин., потоа се зголемува на 250 степени и се пече додека порумени. Се ваѓа и се покрива со крпа да се задуши. Пред да се служи уште еднаш се расекува по претходните линии.
За фил
На загреано масло се запржува ситно исецканиот кромид и лук. Се додава меленото месо и зачините, се пржи додека се испржи или најсигурно проверете некаде околу 15 мин. додека течноста испари.
