Обилни врнежи предизвикаа лизгање на земјата на две места на патот Перучац -Растиште во Србија, а меѓу двете места кај езерото останале заглавени десетина автомобили со околу 30 патници, пренесуваат српските медиуми. Меѓу нив има и деца, посочува локалната власт.
Српскиот јавен сервис јавува дека противпожарни екипи , полиција и Секторот за вонредни ситуации тргнале на помош, а ангажирана е и механизација за да може да се тргнат одроните и да може наскоро да бидат спасени патниците.