Луксузниот стан на Бритни опфаќа три ката од зградата Силк Билдинг, а во моментов се продава за цена од 7, 6 милиони долари, што е дури 4 пати повеќе од она што славната пејачка го издвои за станот пред години.
Кога некој ќе ви ја спомене Бритни Спирс најверојатно првите асоцијации не се елеганција и префинетост. Бритни никогаш не важела за жена со стил, дури напротив често се наоѓа на листата на најлошо облечените луѓе во светот.
Сепак, њујоршкиот стан на некогашната поп ѕвезда би можел да се опише како неизмерно елегантен и префинет.
Истовремено елегантен и еклектичен, со помалку уметнички детали и моменти, пентхаусот што Бритни го ставила на продажба со оглед на тоа дека моментално живее во декадентната италијанска вила во Калифорнија, се наоѓа во ренесансната зграда што некогаш и припаѓала на компанијата Тауер Рекордс.
Секоја просторија во станот ја карактеризира одредена боја, па така една спална соба речиси во целост е сива, другата е во комбинација од црна и црвена, а во дневната соба се мешаат жолти и сиви детали, додека на мноумина во очи ќе им падне модерното минималистичко катче со нишалка кое е предодредено за забава.