вторник, 25 јули 2017  |  Вести денес: 1

Магична храна што го намалува чувството на анксиозност

hrana-zdrava

Поврзани вести

Станува збор за режим на исхрана што воопшто не е ограничен, а во телото создава чувство на смиреност.

Ако секојдневните чувства на нервоза и стрес редовно ве туркаат кон фрижидерот, тогаш внимавајте што јадете! Добриот избор на храна може значајно да влијае врз подобрувањето или врз вложувањето на состојбата.

Како што пишува Д-р. Ума Наиду за Харвард Хелт, правилниот начин на исхрана, внесувањето големи количества вода, избегнувањето на алкохолот и кофеинот, како и некои други правила во исхраната значајно може да го олеснат чувството на анксиозност.

rabota_se_smachiii

За почеток немојте да ги прескокнувате оброците. Тоа доведува до нагло опаѓање на нивото на шеќер во крвта што ги влошува проблемите со анксиозноста. За да се храните здраво и да можете да се опуштите и полесно да се носите со анксиозноста, Д-р. Наиду препорачува редовно внесување на следната храна:

Зголемете го внесувањето на магнезиум. Него го има во месестите листови, мешунките, семките, оревите и сличните плодови и во целите житарки.

Јадете повеќе цинк. Во превод јадете индиски оревчиња, џигер, говедско месо и жолчки.

Омега – 3 масните киселини што во најголеми количества се наоѓаат во рибата (особено во лососот) помагаат за намалување на анксиозноста.

Пробиотиците се ваши пријатели, поточно киселата зелка, киселите краставички и кефирот би требало да станат дел од вашата секојдневна исхрана.

И конечно, кралот на здравата храна – авокадо. Храната богата со Б витамини, како што е авокадото или бадемот помага за ослободување на невронските преносници на серотонин и допамин што помага да ви се стабилизира расположението.

Секако, доколку се борите со сериозен облик на анксиозност, храната неможе да ја замени традиционалната терапија, но неможе ниту  да наштети.

Најчитани вести