среда, 18 јануари 2017  |  Вести денес: 42

„Мајсторот и Маргарита“ вечерва во МНТ

„Мајсторот и Маргарита“ на Михаил Афанасјевич Булгаков е едно од најзначајните литературни остварувања на 20-тиот век. Во Русија за прв пат е објавен, и тоа со цензура во 1966 година, а во целина е објавен во Франкфурт во 1974 година.

„Мајсторот и Маргарита“ вечерва во МНТ

„Мајсторот и Маргарита“ вечерва во МНТ

Последни вести

Театарската претстава „Мајсторот и Маргарита“ на авторот Михаил Булгаков, во режија на Иван Поповски ќе биде прикажана вечерва во Македонскиот народен театар, во рамки на Скопско лето 2016.

„Мајсторот и Маргарита“ на Михаил Афанасјевич Булгаков е едно од најзначајните литературни остварувања на 20-тиот век. Во Русија за прв пат е објавен, и тоа со цензура во 1966 година, а во целина е објавен во Франкфурт во 1974 година.

Авторот луцидно ја води приказната за вечната љубов на Мајсторот и Маргарита, кои стигнуваат дури до адот во име на љубовта, преплетувајќи ја оваа љубовна приказна со безброј алузии на тогашниот општествен и политички амбиент. Ликот на Мајсторот кој длабоко е поврзан со самиот Булгаков, неразбран и отфрлен, игнориран од општеството, фрустиран до болка од одбивањето на делото од издавачот одлучува да го запали и да се ослободи од бремето што уметникот го носи со себе.

Мајсторот и Маргарита ги обединува најгорливите дилеми на првата половина на 20-тиот век и го поставува прашањето за позицијата на уметноста во еден крут, тоталитарен систем и позицијата на уметникот наспроти силите на Светлината, или оние на Темнината, а со тоа станува дело кое нуди бескрајно длабоки уметнички планови и алузии.

Најчитани вести