Македонците од дијаспората: За Заев ништо не е свето само за да дојде на власт

Скандалозните изјави на лидерот на СДСМ Зоран Заев дадени пред Албанците во Швајцарија предизивикаа револт и загриженост кај македонската дијаспора. Со свои реакции денес се јавија Македонците од Јужна и Западна Австралија како и од Темпа, Флорида.

-Особено сме згрозени и навредени од фактот што лицето Зоран Заев аболициран за криминал од 8 милиони евра, обвинер за поткуп од стотици илјади евра и обвинет за насилство, без трошка срам и македонштина во себе во Швајцарија најави дека ќе ја федерализира Македонија. Овој човек заедно со сите негови истомисленици за уништување на Македонија и нејзино редефинирање, мора да замине во историјата, велат Македонците од Флорида кои додаваат дека Заев е најтемниот лик во модерната историја на Македонците.

-Заев ги потврдува скандалозните изјави со кои најавува промена на Уставот на Република Македонија и газење преку загинатите бранители за да ги исполни барањата на Албанците. СДСМ и Заев дефинитивно делуваат антидржавно, за овој човек ништо не е свето, за него се е на политичка распродажба само за да дојде на власт. Него не му се важни националните интереси, велат од Обединети македонски организации на Западна Австралија.

-Со голема загриженост ги следиме настаните пред престојните парламентрани избори, а пособно настапите на лидерот на здружената опозиција кој нема ниту еден настап а да не ги омаловажи вредностите на Македонците. Посебно загрижува фактот, што Заев претендира да биде идниот претседател на Владата, велат од  македонската дијаспора од Јужна Австралија.

Скандалозните изјави на Заев деновиве ја брануваат јавноста. Граѓаните коментираат дека лидерот на СДСМ за свои лични интереси е подготвен на се, дури и да ја продаде државата.

Доколку преземете содржина од оваа страница, во целост сте се согласиле со нејзините Услови за користење.