Спорт

Македонија денеска во Нант ќе ги одмери силите со Алжир

Македонија денеска во Нант ќе ги одмери силите со Алжир

Машката ракометна репрезентација вечерва во Нант го игра првиот натпревар на турнирот во Франција, а противник е селекцијата на Алжир.

Ова воедно е првиот вистински тест за избраниците на селекторот Ивица Обрван пред настапот на Светското првенство во Катар.

Нашите ракометари синоќа имаа и тренинг во салата во Нант, а надминат е и проблемот со багажот и комплетната опрема е пристигната во Нант.

Дуелот меѓу Македонија и Алжир почнува во 20:45 часот, а претходно играат Франција и Аргентина (почеток 18:15 часот).

Утре на програмата се натпреварите за конечен пласман на турнирот и победниците ќе играат во финалето, а поразените во дуелот за 3.место.

Преносот од мечот помеѓу Македонија и Алжир ќе го врши МТВ1.