понеделник, 22 мај 2017  |  Вести денес: 34

Македонија доби награда за најорганизиран штанд на саемот во Истанбул

Агенцијата за туризам на саемот во Истанбул ја презентираше природата, културата и отоманските споменици во Македонија, вклучувајќи ги и македонската традиција и туристичките посети на градовите.

makedonija-stand-640x360

Последни вести

Македонија е добитник на наградата за најорганизиран штанд на еден од најголемите и најпосетени интернационални саеми за туризам во светот во Истанбул, Турција.

Во конкуренција од повеќе од 80 држави и над 5000 институции лоцирани во 12 хали, штандот на Македонија е прогласен за најорганизиран штанд за 2017та година на 21-от по ред саем за туризам во Истанбул.

Саемот во Истанбул кој е еден од 5те најголеми саеми за туризам во светот, беше посетен од 46.670 посетители во периодот од 26-29 Јануари 2017та година, а присутни беа 450 тур-оператори од 55 земји.

Агенцијата за туризам на саемот во Истанбул ја презентираше природата, културата и отоманските споменици во Македонија, вклучувајќи ги и македонската традиција и туристичките посети на градовите.

Штандот на Македонија беше посетен од турскиот Министер за култура и туризам, Наби Авци, како и Генералниот Секретар на Светската туристичка организација, Талеб Рифаи кои искажаа задоволство од учеството на Македонија на саемот и ги потенцираа најзините природни убавини споделувајќи ги личните импресии.

На штандот на Република Македонија во Турција, ко-егзибитори беа македонските тур-оператори Бадемтур, Генерал Турист, Фибула, Балкантиме и Вардар Експрес, а штандот го посетија и Н.Е. Живко Муцунски, Амбасадор на Република Македонија во Турција, Синиша Иванковиќ, Конзул на Македонија во Туриција, како и Економскиот промотор на Македонија во Турција,Филиз Вели.

Минатата, 2016та година, Македонија ја зема првата награда за пријателство на саемот за туризам ЕМИТТ во Истанбул, Турција.

Најчитани вести