Британскиот весник „Индепендент“ објави графикон за најевтините и најскапите места за живеење од 119 земји во светот, а споредбата се прави според индексот на цените во Њујорк.
Македонија е во друштво со Индија, Тунис, Пакистан, Непал, Египет, Алжир, Молдавија, Колумбија…
Според весникот земјава се најде на осмото место од земјите со најевтини цени за храна, превоз, ресторани и комунални услуги. Во оваа рејтинг листа не се земени предвид цените за домување, облека и образование.
Петте земји, каде банкарската сметка се цеди кога ќе дојде време за плаќање на основните производи и услуги, се Швајцарија, Норвешка, Венецуела, Исланд и Данска.
Според овие податоци се покажува разликата во животните трошоци со помош на најголемата база на податоци во светот составена од корисниците од разни градови и земји во светот. Индексот на потрошувачките цени е релативен показател на трошоците на живот во една земја во споредба со Њујорк. На пример, ако во една земја индексот е 70, тоа значи дека во таа земја за 30 отсто се поевтини животните трошоци во споредба со Њујорк.