недела, 26 март 2017  |  Вести денес: 0

Македонија попладнево ќе го одигра мечот против Норвешка

По три дневната пауза, македонската ракометна репрезентација денеска против Норвешка ќе го продолжи својот настап на Европското првенство што се одржува во Полска.

mk-reprezentacija-rakomet

Поврзани вести

По три дневната пауза, македонската ракометна репрезентација денеска против Норвешка ќе го продолжи својот настап на Европското првенство што се одржува во Полска.

Паузата беше искористена избраниците на селекторот Ивица Обрван да се одморат од напорните дуели во претходните четири дуели, три во првата и еден во втората фаза, пренесе МИА.

Слободните денови добро ни дојдоа на сите, пред се психички да се одмориме, секако и физички. Имавме доволно време да се подготвиме за овој натпревар. Можеби ќе имаме и некоја мала предност денеска, бидејќи додека ние одморавме Норвежаните одиграа тежок меч со Полска, изјави Дејан Манасков, најдобриот стрелец на Македонија на ова ЕП.

Тој очекува добар резултат, а мотив повеќе за тоа гледа во попречување на Норвежаните да играат во полуфиналето, бидејќи тие се нашите најголеми конкуренти за учество на Олимписките квалификации.

Ова е многу важен меч за нас, но и Норвежаните. Со победа ние ги зголемуваме шансите за место во квалификациите за ОИ, додека тие за место во полуфинале на ЕП. Ќе биде навистина тешко. За да ја оствариме целта и да победиме ќе мора првенствено да го намалиме бројот на техничките грешки, едноставно да не им дозволиме да играат контри. Тоа е нивното најсилно оружје. Ако играме концентрирано, ако бидеме ние вистинските, мислам дека може да ги победиме, дополнува Манасков кој на изминатите четири средби постигна 23 голови, два повеќе од капитенот Кирил Лазаров.

Дуелот Македонија – Норвешка ќе се игра во Краков од 18 часот и 15 минути и е првиот од денешната програма на шампионатот.

Во вториот, исто така од групата 1, ќе играат домаќинот Полска и селекцијата на Белорусија (почеток 20:30 часот).

На табелата, Франција и Норвешка имаат по шест бодови, два повеќе од Хрватска и Полска, додека Македонија и Белорусија се без освоен бод.

Најчитани вести