Македонија се разбуди со температури под нулата

Најниска температура од минус осум степени утрово е измерена во Битола, додека минус шест се измерени во Маврово и Лазарополе, минус пет во Крушево, минус четири во Крива Паланка, Охрид и Берово, минус три во Претор и Прилеп, минус два Ѓуриште, Пожаране, Тополчани, Тетово и Струмица, минус еден во Куманово и Демир Капија, а нула степени во Штип, Скопје, Гевгелија и Виница.

Од Управата за хидрометеоролошки работи информираат дека времето во Македонија утрово е сончево и студено со мала облачност во западните делови. Понекаде дува слаб променлив ветер.

Во наредните денови следува период на стабилно и суво време со ниски утрински температури. Утринските и дневните температури ќе бидат во постепен пораст, па веќе во четврток дневната температура ќе достигне 18 степени во југоисточните делови, велат од УХМР.

Доколку преземете содржина од оваа страница, во целост сте се согласиле со нејзините Услови за користење.