Спорт

Македонија со победа го започна СП во Катар

Македонија со победа го започна СП во Катар

Македонската ракометна репрезентација со победа го започна 24 издание на Светското ракометно првенство откако со 33:25 славеше над селекцијата на Тунис.

Оваа средба е од големо значење во борбата за втората позиција на табелата во групата Б, доколку се исклучи Хрватска.

Одличниот трпелив напад од изградени и добро одработени акции без избрзани удари кон голот  како и фантастичната одбрана која не дозволи Тунис да ја наметне својата агресивна игра и целосно го неутрализираше нивниот најсилно оружје – шутот од надворешните позиции беше најзаслужна за враќањето од стартната негатива од 3:1 со серија од 8:1 и предност од 9:4 која не ја испуштивме до крајот на дуелот.

На полувреме нашата репрезентација замина со предност од 18:14 а во вториот дел од натпреварот  продолжи со одличната игра. Највисоката предност беше постигната во 36-тата минута од второто полувреме, кога Македонија имаше предност од 6 гола, по што нашите ракометари едноставно не знаеа да згрешат за до 52-та да достигнат и +7 и пред самиот крај и 10 голови предност.

Во составот едноставно се функционираше одлично со што средбата ја завршивме со 76% ефикасност во нападот и само 6 загубени топки. Борко Ристовски зад своето име запиша 13 интервенции.

Најефикасен во нашиот состав беше Кире Лазаров со 10 погодоци, Манасков додаде 6 со 100% реализација, а исто толку имаше и Миркуловски.

За играч на средбата беше прогласен Дејан Манасков.

Нашиот состав утре од 17:00 часот во второто коло на шампионатот во Доха се среќава со Иран.