Спорт

Македонија во четвртиот шешир пред извлекувањето на групите за ЕП 2015

Македонија во четвртиот шешир пред извлекувањето на групите за ЕП 2015

Утрово на сајтот на ФИБА Европа беа објавени шеширите за извлекувањето на групите за Евробаскет 2015, а нашата репрезентација се најде во четвртиот шешир.

Иако беше очекувано, сепак ова е лошо за македонската селекција со оглед на тоа дека во групата во која ќе бидеме извлечени ќе има дури три подобро рангирани репрезентации, што пак дополнително ќе ги отежне шансите за нокаут фазата и добар пласман на ЕП.

Рангирањето се вршело врз основа на резултатите од последниот Евробаскет во Словенија и последниот квалификациски циклус, а според истото, во четвртиот шешир заедно со Македонија се и Полска, Белгија и Италија, репрезентации со кои неможеме да бидеме извлечени во групната фаза.

Ждрепката на групите е закажана за 8 декември во Париз, кога ќе биде познато и во која од четирите земји-организатори ќе игра Македонија во рамките од првата фаза од шампионатот (Франција, Германија, Хрватска или Латвија).

Шешир 1: Франција, Литванија, Шпанија, Хрватска

Шешир 2: Словенија, Украина, Србија, Финска

Шешир 3: Грција, Турција, Латвија, БиХ

Шешир 4: Полска, Белгија, Македонија, Италија

Шешир 5: Германија, Израел, Чешка, Грузија

Шешир 6: Холандија, Русија, Исланд, Естонија.