среда, 24 мај 2017  |  Вести денес: 42

Македонија во жолта фаза: Температури до 40 степени

toplo-vreme

Поврзани вести

Според најавите, денеска целата територија на Република Македонија ќе  биде зафатена со температури од жолта (алертна) фаза.

Времето во Македонија ќе биде сончево и многу топло со мала до умерена локална облачност, особено во источните делови. Ќе дува слаб, а во западните делови умерен ветер од западен и југoзападен правец. УВ индексот ќе изнесува 9.

Утринските температури ќе се движат од  14 до 22, а  дневната највисока температура на воздухот ќе се движи во интервалот од 33 до 40 степени.

Во Скопје ќе биде сончево и многу  топло со слаб ветер од западен правец. Температурата ќе се движи од 20 до 39 степени.

Почитувајте ги препораките!

Граѓаните од целата држава потребно е да ги почитуваат општите препораки за заштита од високите температури, како што се: заштита од директна сончева изложеност, избегнување престој на отворено во периодот од 11 до 17 часот, носење светла и лесна облека, консумирање лесна храна и течности, а особено да се внимава при подготовката и консумирањето на храната.

На хронично болните лица се препорачува редовно да ја земаат пропишаната терапија.

Од утре значителна промена на времето

Во петок попладне ќе настапи значителна промена на времето кога на повеќе места ќе има нестабилна облачност со пороен дожд и грмежи, локално во форма на невреме. Врнежите ќе бидат пообилни преку ноќта кон сабота, особено во северните делови. В петок кон крајот на денот ќе почне да дува северен ветер кој повремено ќе се засилува и ќе предизвика нагло опаѓање на температурата.

За време на викендот ќе преовладува променливо облачно, ветровито и доста посвежо време со локални врнежи од дожд.

Од понеделник се очекува повторно стабилизирање со постепен пораст на температурата.

Најчитани вести