Македонија

„Македонија вработува“ вработи 3.850 лица за неполни три месеци

„Македонија вработува“ вработи 3.850 лица за неполни три месеци

За неполни три месеци проектот „Македонија вработува“ ги дава очекуваните резултати, во овој период вработени се 3.850 лица во Македонија, а во општина Кочани бројот на вработените преку овој проект е 256 лица.

Станува збор за нови вработувања, и тоа претежно во компаниите поголемите инвеститори „Антура“ и „Амфенол“, но и во неколку помали странски компании  во општината.

За ова денеска говореше министерот за труд и социјална политика Диме Спасов при посетата на Облешево, каде беше пуштена во употреба новата детска градинка.

Нов проект за зголемување на вештините и способностите на невработените лица

Покрај тоа што говореше за првичните резултати од проектот „Македонија вработува“, министерот Спасов се осврна и на новите проекти, кои што, како што рече имаат за цел да им помогнат на невработените лица да ги зголемат нивните способности и вештините кои ги поседуваат, а со тоа ќе се зголеми нивната вработливост и можноста побрзо да стигнат до работно место.

За новиот проект на Министерството за труд и социјална политика и Агенцијата за вработување за обука на побарувани занимања на пазарот на трудот, Спасов истакна дека ќе се обучат 220 невработени, на механизацијата и машините кои функционираат во приватните компании, кои се подготвени да вработат обучени кадри.

– Со ова ќе се зголемат нивните способности и вештините  кои ги поседуваат, а со тоа ќе се зголеми нивната  вработливост и можноста побрзо да стигнат до работно место. За реализација на оваа мерка обезбедивме вкупно 12.000.000 денари, појасни Спасов.

Караванот на „Македонија вработува“ на обиколка низ државата

Караванот на „Македонија вработува“ на обиколка низ државата
Караванот на „Македонија вработува“ на обиколка низ државата

Инаку со цел граѓаните и компаниите одблизу да се запознаат со можностите кои ги нуди проектот „Македонија вработува“, тимови на Агенцијата за вработување е во обиколка низ градовите во земјава. Крушево, Прилеп, Тетово, Куманово, Штип, Скопје, Велес, Дојран се дел од посетените дестинации, а на ред се летните туристички дестинации како Охрид и Струга.

Компаниите се интересираат и за другите активни мерки и проекти

Проектот „Македонија вработува“ е број еден, но компаниите се интересираат и за другите мерки и активни проекти, како што се програмите за субвенционирано вработување, потоа за корисници на социјална парична помош. За последните две програми компаниите можат да користат два начина, првиот модус е со бруто плата каде не можат да го користат „Македонија вработува“ и со нето плата каде можа да го користат „Македонија вработува“. Во вториот случај покрај тоа што се финансира шест месечна плата и се дава можност за ослободување од придонеси од 3 до 5 години во зависност во која категорија припаѓа лицето што го вработуваат.