Настанот ќе почне со работилница на тема „Отворени иновации во ИКТ секторот“ вечер (19:00) во просториите на ЅЕС бизнис инкубаторот. Говорник на работилницата е експерт и предавач од Универзитетот Аванс од Холандија – Том Спанјард.
Активностите ќе продолжат утре на Скопски саем со средби на бизнисмените од ИКТ фирми, како можност за формирање нови интернационални партнерства со цел освојување нови пазари.
Настанот е во организација на Фондација за менаџмент и индустриско истражување и е поддржан од Централна Европска Иницијатива – ЦЕИ и Мрежата на бизнис можности (Enterprise Europe Network).
