Полицијата спречува граѓани да пристигнат на Конвенцијата на ВМРО-ДПМНЕ

Владејачката СДСМ во паника и страв од големиот интерес за Конвенцијата на ВМРО-ДПМНЕ која вечерва  ќе се одржи во спортскиот центар „Борис Трајковски“, на најниски можни начини се обидува да ги спречи огромниот број заинтересирани граѓани вечерва да допатуваат во Скопје.

Порталот Курир објави дека полицијата под палка на министерот Оливер Спасовски, во Прилеп и во повеќе други градови ги запирала автобусите полни со симпатизери на ВМРО-ДПМНЕ и ги праќала на технички преглед, со цел истите да не стигнат на најавената конвенција од опозициската партија.

Претседателот на ВМРО-ДПМНЕ, Никола Груевски на својот Фејсбук профил вчера соопшти дека партијата денеска ќе ја презентира новата визија, новата ера за Македонија.

„Во 20 часот во спортскиот центар Борис Трајковски, ќе ја презентираме нашата визија, новата ера за Македонија! Почнува ново утро, доаѓаат нови победи! Подобри денови за граѓаните. Имаме одлични програми, читајте ги внимателно и направете ја разликата!“, напиша Груевски.

Во ВМРО-ДПМНЕ велат дека собирот ќе биде еден вид интерна конвенција на која на членството ќе му бидат претставени кандидатите за градоналници, но не е предвидено нивно обраќање.

Информациите велат дека заинтересираноста на членовите и симпатизерите да се присуства на Конвенцијата е огромно, па токму поради тоа СДСМ се служи со вакви ниски обиди да спречи што е можно повеќе лица да допатуваат на истата.

Доколку преземете содржина од оваа страница, во целост сте се согласиле со нејзините Услови за користење.