Претседателот на Владата на Република Македонија, Зоран Заев, денеска се сретна со Перти Иконен, амбасадор на Финска за Македонија, при што финскиот амбасадор изразил изрази честитки на премиерот Заев за стапувањето на должноста претседател на премиерот, како и за неговиот голем придонес во мирната разврска на политичката криза во Македонија и демократските промени што се во тек, соопшрија до службата за информирање на владата.
Изразена е поддршка на Планот 3-6-9 со којшто Владата се обврза на итните реформски приоритети, што ги отвораат евро-атлантските перспективи на земјава.
„Владата е определена кон реформски политики што треба да го интензивираат процесот на евро-атлантски интеграции и да го подобрат квалитетот на живот на граѓаните преку раст на економијата. Водиме инклузивни политики во реализацијата на овој процес. Ги вклучивме граѓанскиот сектор, експертската јавност, отворени сме и за мислењата од опозицијата. Исто така исчекоривме напред кон поголема соработка со соседите, затоа што сметаме дека добрососедската соработка може да му помогне на целиот регион да се придивижи напред“, рекол премиерот Заев.
На средбата е констатирано дека интеграциите на Македонија во НАТО и во ЕУ ќе значат и поголема стабилност и сигурност и за нашата држава, но и за целиот Балкан.
Премиерот Заев и амбасадорот Иконен зборуваа и за можноста Македонија да примени фински образовни искуства, како едни од најквалитетните во Европа и светот. Исто така договорено е зголемување на соработката во областа на економијата.
Амбасадорот Иконен соопшти дека Финска го поддржува демократскиот развој на Македонија и интеграциите на државава во меѓународните организации.
