Македонската владина делгација во посета на Кореја

Владината делегација предводена од премиерот Никола Груевски по посетата на Јапонија, од денеска ќе престојува во Република Кореја.

За време на посетата македонската делегација пред бизнисмените од оваа азиска држава ќе ги презентира поволните услови за инвестирање во Македонија. Бизнис форумот, што ќе се одржи во Сеул, е организиран во соработка со „Фајненшл Тајмс“.

Посетата на државите од азискиот континент ќе биде заокружена со посета на  Специјалниот административен регион Хонг Конг, кој е дел од Народна Република Кина. Премиерот Груевски ќе оствари средба со претседателот на Извршниот совет на Хонг Конг, Ленг Чун-јинг, а ќе ја посети и хонгконгшката болницата Квин Мери (Queen Mary), каде ќе разговара за соработка во областа на здравството, а ќе се обрати и на бизнис форум организиран од „Фајненшл Тајмс“.

Во Народна Република Кина македонската делегација треба да го посети и градот Гуангжу кој претставува седиште на мултинационалната компанија „Веибо“ која веќе има донесено одлука за инвестирање во Македонија и отворање на фабрика во североисточниот реон со која ќе се отворат околу 5.000 работни места. Планирани се средби и со политичките претставници на регионот Гуангдонг.

Пред Кореја, македонската делегација беше во посета на Јапонија каде премиерот Груевски оствари средби со принцот Нарухито и со премиерот Шинзо Абе. На бизнис форум беа промовирани поволностите за инвестирање, а во функција на овозможување на услови за соработка во областа на здравството, беше реализирана и средба со менаџерскиот тим на болницата Токио Џенерал Хоспитал.

Доколку преземете содржина од оваа страница, во целост сте се согласиле со нејзините Услови за користење.