Македонски државјанин протеран од Италија поради тероризам

Италијанските власти протерале четири лица осомничени за тероризам, меѓу кои и еден македонски државјанин.

Четворицата странци, од нив еден Косовец (37) и еден Македонец (39), протерани се од Италија поради опасност по безбедноста на земјата. Еден од странците е Французин (28) кој го примил радикалниот ислам, додека другиот државјанин на Тунис (45), пишуваат албанските медиуми, пренесува МИА.

Според нив, македонскиот државјанин претходно е осудуван од судот во Сиена, регион Тоскана, поради семејно насилство и бил под надзор на полицијата. Припаѓал на парамилитарна организација активна во конфликтите на Балканот.

Подолго време бил следен и Французинот бидејќи бил на списокот на лица опасни за безбедноста на земјата. Косовецот живеел во Болоња, бил приведуван поради насилство врз сопругата и децата при што и во затворската ќелија проповедал радикален ислам. Државјанинот на Тунис исто така бил во затвор каде освен проповедањето радикален ислам бил поттикнувач и на конфликти во затворот.

Доколку преземете содржина од оваа страница, во целост сте се согласиле со нејзините Услови за користење.