Македонија

повик на семакедонски протест за заштита на името Македонскиот заедници од светот се организираат за протести

Македонскиот заедници од светот се организираат за протести

Македонските заедници во светот повикуваат на Семакедонски протест за одбрана на името на државата и идентитетот на нацијата.

Централниот протесен собир ќе се одржи на 27-ми февруари со почеток во 18 часот пред Мисијата на Европската унија оттаму протестниот марш ќе се движи по булевар „Свети Климент Охридски“ и булевар „Димитрие Чуповски“ до Собранието на Република Македонија.

И македонската заедница во Австралија најави дека ќе излезе на протести во Мелбурн на 4-ти март со цел да изрази револт за можна промена на уставното име на Република Македонија, мотото на нивниот протест е „Ние сме Македонци во одбрана на Македонија“.

Протестниот марш ќе започне во 13,30 часот и ќе заврши пред Парламентот на сојузната држава Викторија. Организаторите на маршот апелираат до сите Македонци со своите семејства, роднини и пријатели да го посветат овој ден за спас на името на Македонија, македонскиот јазик, идентитет, црква, култура и традиции.

„Сите сме запознати дека над Македонија се надвиснати најцрните облаци, најтешките денови и најголемата неизвесност да се задржи вековното име на Македонија како и идентитетот на македонскиот народ. Заради забрзаните национални разнебитувања Македонија го повикува секое македонско чедо на 4 март да застане простум во одбрана на името на Македонија и нејзината биднина“, велат организаторите на протестот во Мелбурн.

На претходните протести организирани пак, од грчката дијаспора дојде и до инциденти со Македонци кои беа нападнати.

Македонците во светот бараат:

(1) Безусловен крај на разговорите за името Македонија со Владата во Атина и продолжување на членството во Обединетите Нации и во сите меѓународни организации под државното име Македонија;

(2) Повлекување на Законот за употреба на јазиците;

(3) Повлекување на Договорот Заев-Борисов;

(4) Итно ослободување на притворените и осудените за настаните во Собранието на Република Македонија од 27-ми април 2017 година.

Барањата ќе бидат доставени до Претседателот, Собранието и Владата на Република Македонија, како и до странските амбасади во Македонија.

Во своето барање тие отфрлаат референдум и промена на Уставот со цел промена на името на државата и идентитетот на нацијата. Порачуваа дека македонските политичари немаат право да одлучуваат дали ќе има, или нема да има референдум за името.