вторник, 29 ноември 2016  |  Вести денес: 24

Македонските туристички капацитети претставени во Велика Британија

Околу 150 туристички агенции од Велика Британија имаа можност да се запознаат со туристичките потенцијали на Македонија во рамки на Destination Showcase, настан што го организираше елитниот магазин Travel Weekly на најголемиот саем за туризам во Лондон, World Travel Market 2016 (WTM). 

британија

Поврзани вести

На Destination Showcase беше презентирана и можноста што ја нуди Македонија за субвенционирање на странскиот туристички промет.

WTM се одржа од 7 до 9 ноември, со 5.000 учесници од цел свет и 50.000 професионалци (компании, организации, институции, медиуми, инвеститори) од светската туристичка индустрија. Во организација на Агенцијата за промоција и поддршка на туризмот (АППТ), и Македонија имаше свој штанд на кој понуди историја, култура, археологија, лов, риболов, рурален, „класичен“ туризам, како и дел од традицијата.

АППТ, како што соопшти, оствари бројни состаноци со британски тур-оператори: Thomas Cook, Flight Center Business Travel, Darrel James Travel, Gem Travel, Reliance Tours, Your Holiday Booking, Euro Japan Holidays, STA Travel, CJL Travel, Blue Stone Travel, Burwood Travel, Bright Sun Travel, Affordable Luxury Travel, Crystal Travel, Peoples Travel, Star Travel,…

За време на саемот, Агенцијата учестуваше и на Aligned Advocacy Dinner организирана од Pacific Asia Travel Association на која директорката Лела Крстевска беше главен говорник кој се обрати во име на сите балкански земји, зборувајќи за регионот како туристичка дестинација за азискиот пазар. На вечерата беа присутни генералниот секретар на Светската туристичка организација Талеб Рифаи, министри за туризам од целиот свет, светски познати туроператори и претставници од националните туристички институции на Балканот.

Најчитани вести