Македонско Дихово – меѓу најубавите 50 скриени локации на Европа!

Реномираниот туристички водич Lonely Planet објави ново издание за 50 тајни европски дестинации за мирен одмор. Меѓу нив и Дихово, кое е претставено како „непознатото село“ во близина на Битола.

„Дихово, во подножјето на Националниот парк Пелистер, нуди одлична почетна точка за пешачење по падините на планината Баба, висока 2.600 метри и на која се наоѓаат две беспрекорни глечерски езера. Ова е диво, но интересно место. Пелистерските мечки всушност ги тужат на суд за кражба на мед (можете да купите големи тегли мед од пчеларите во Дихово). Дихово можеби е тивко (има еден ресторан, две гостински куќи и една прекразна црква), но нуди длабоки искуства како што се возење на велосипед оп планинските патеки и ледено пливање во чуден природен базен создаден од водите на реката Сапунчица“, пишува Lonely Planet.

Скриените локации во Европа, според Lonely Planet, нудат бегство од толпата и бучавата на секојдневието и можност за вистински одмор. Сепак да се пронајдат ваквите раеви не е секогаш најлесно, затоа што тоа се помалку познати места, понекогаш и за локалните жители.

Меѓу 50-те локации кои ги нуди Lonely Planet се и загребскиот Стрит Арт Музеј и Лошињ во Хрватска, Морињ во Црна Гора, Скадар во Албанија, Белград во Србија. Водичот „Скриена Европа“ со сите локации можете да го симнете на следниот ЛИНК.

 

Доколку преземете содржина од оваа страница, во целост сте се согласиле со нејзините Услови за користење.