Свет

Малезија најавува погребна церемонија за патниците од исчезнатиот авион

Малезија најавува погребна церемонија за патниците од исчезнатиот авион

Првата погребна церемонија за патниците од исчезнатиот малезиски авион ќе биде одржана викендов, соопштија денеска нивните роднини, а малезиските официјални лица ги повикаа роднините да се „соочат со реалноста“ и да ги напуштат центрите од каде што добиваат поддршка.

И покрај потрагата во воздух, на море и под вода до сега нема никаква трага од авионот на летот МХ370 кој исчезна на 8 март на летот од Куала Лумпур до Пекинг.

Во авионот беа речиси 239 патници и членови на екипажот, вклучувајќи и голем број на кинески државјани.

Речиси осум недели подоцна, компанијата „Малезија ерлајнс“ соопшти дека ќе ги затвори центрите за помош на роднините на исчезнатите во Пекинг и Куала Лумпур.