Македонија,Крими хроника

Малолетен охриѓанец ја ограбил општинската зграда

Малолетен охриѓанец ја ограбил општинската зграда

СВР Охрид достави посебен извештај до ОЈО против 16 годишен малолетник од Охрид поради постоење основи на сомение за сторени дела „тешка кражба“ и „кражба“. Пријавениот на 13.10.2014 година се искачил на спратот од новиот дел од општинската зграда во изградба и успеал насилно да го отвори прозорецот, влегол во канцеларијата и бесправно одзел едно компјутерско куќиште и една тастатура. Следниот ден, пријавениот извршил уште една кражба од истата општинска просторија на истиот начин при што одзел два компјутерски монитори и едно куќиште. По добиена судска наредба, извршен е претрес во домот на пријавениот од каде одземени се штрафцигери, обувки и неколку предмети врз кои е извршено вештачење. Со малолетното лице, во присуство на неговиот родител извршен е разговор во СВР Охрид за што е известен и социјален работник.