Македонија

Манастирот „Св. Јован Претеча“ слави 1.000 години

Манастирот „Св. Јован Претеча“ слави 1.000 години

Манастирот „Св. Јован Претеча“ во демихисарското село Слепче со големо милениумско чествување ќе облежи илјада години од своето постоење.

Овој манастир датира од 7 век, но со чествувањето се прави спој на неговото постоење со смртта на Цар Самуил и со селото Слепче кое опстојувало од порано и е поврзано со трагичната одисеја на ослепените 14.000 војници во битката кај Беласица во 1014 година.

Чествувањето е дел од Демирхисарското културно лето, што се одржува првпат и ќе трае три месеци, а чиј уметнички координатор е актерот Игор Џамбазов, кој живее во Слепче.

На Културното лето ќе гостуваат театри, ќе се организираат ликовни колонии и проекции на филмови.

Дел од програмата ќе биде и Петровденска поетска беседа на гробот на македонскиот писател Петре М.Андреевски во неговото родно село Слоештица.